رد: كرسى الاعتراف
* أكتر لعبة كنت بتحب تلعبها وانت صغير .. ..؟؟
متهيألى السيجة والكورة
وكنت بتكسب فيها ولا بتخسر ؟؟
فى السيجة كنت باغلب فى اغلب الاوقات ,,, اما الكورة فالعكس
* لو طلعلك بسم الله الرحمن الرحيم عفريت يعني هتعمل ايه:sm242: ؟؟
وشرم مليانة عفاريت علي فكرة ..!!
لو غلب على عرق المؤمن هاستعذ بالله واقرا ماتيسر من القران ,,, ولو غلبنى العرق البشرى ففى الحالة دى ممكن يغمى على وممكن اتوفى
* لو وانت ماشي لوحدك في مكان مفهوش ناس .. وواحد بلطجي وقفك بمطواة ( لاقدر الله ) وقالك
طلع كل اللي معاك .. هتعمل ايه ؟؟
هههههههههههههههههه ..... لو كان جسمه زى جسمى او اقل ,,, هاقلع اللى فى رجلى و,,,,,,, انتو عارفين الباقى ,,,؟؟؟؟!!!!
اما لو كان الحرامى عبارة عن باب او تلاجة متحركة ففى الحالة دى هاديله المحفظة ياخد اللى هو عاوزه ...ههههههههههههههه
* بما أنك كنت ساكن في المدينة الجامعية ... أحكيلنا موقف من المواقف اللي كانت بتحصل
في المدينة الجامعية .. يعني سواء بينك وبين زملائك .. أو بينك وبين المشرفين بتوع المدينة الجامعية ؟؟ أي موقف ..
كنت مرة مورنش الجزمة - ولا مؤاخذة - وكنت حاططها على البطانية بتاعت المدينة ( وعلى فكرة هى اسمها بطانية , ولكن فى الحقيقة انت ما تفرشهاش فى ارضية الحمام) وراح شافنى المشرف وقال لى : انت ازاى يا افندى تحط جزمتك على البطانية اللى بنتغطى بيها؟؟؟ كارنيهك يا حضرة ....
انا بينى وبينكم كنت لسه فى سنة اولى ومش عارف النظام وخايف يعملولى اخلاء - طرد - من المدينة فاديته الكارنيه ومضانى على تعهد بعدم التعرض لبطاطين المدينة بالامتهان ,,, بعد الموقف ده بقت بطاطين المدينة اغلى عندى من بطانية الساراتوجا
* مين أقرب عضو ليك في المنتدي ..؟؟
كلهم اخوتى واهلى واسرتى الثانية ,,, واسال الله تعالى ان يديم علينا نعمة المحبة فيه
اما اذا كنتِ تقصدين اقربهم مسافة ,, فهو الاخ محمد ابو سحلى
أممممممم .. جاوب علي دول .. وهرجعلك . الله معك
يا مغيييييييييييييييييث
فى الانتظاااااااااااااااااااااااار
