رد: كرسى الاعتراف
بسم الله المستعان والصلاة والسلام على محمد واله وصحبه
1- من أنت ؟
اخوكم فى الله محمد عبدالرحيم من الاقصر بصعيد مصر
2- عندك هدف فى الحياة ؟
دائما اسال الله تعالى الثبات والاخلاص وحسن الخاتمة
3- ياترى بيمر عليك يوم مابتفدش فيه حد او بتستفيد منه ؟
ممكن يعدى يوم لا افيد فيه احدا وذلك لجهلى العميم ..... ولكن لا اظن يوما يمر دون ان اضيف فيه الى خزينتى شيئا من المعارف على اختلاف نوعها .. دينية او ثقافية او اخلاقية او اجتماعية .... الخ
4- ياترى بتعرف تمسك نفسك عند الغضب ؟
غالبا ... نعم ... واحيانا قليلة انفجر
5- يا ترى انت مرتاح فى المنتدى هنا ؟ وليه ؟
طبعا السؤال ده مش محتاج اجابة .... لانى لو مش مرتاح مش هتفاعل معاه ......
6- ياترى بتزعل لما موضوع ليك بيتحذف فى اى منتدى ؟ وليه ؟
جدا جدا جدا ... ولكن اذا حذف من غير سبب وجيه ... اما عند بيان السبب فلا غضب
7- ااايه اخر حاجه بتيجى على بالك قبل ماتنام وااايه اول حاجه بتخطر فى بالك اول ما بتصحى من النوم ؟
اذا كنت تقصد الاقوال فاخر ما اتكلم به هى اذكار النوم ... واما الافعال فالوتر ... وعند الاستيقاظ فاذكار الاستيقاظ ولكن احيانا استعجل لانى اكون متاخر عن الصلاة فاقوم بسرعة وانسى الاذكار ,,, ولكن غالبا اقولها ... واسال الله تعالى لنا ولكم الاخلاص فى القول والعمل
8- ياترى بتحاول انك يكون ليك بصمة فى يومك ولا الايام بتمر عليك وخلاص ؟
فى الحقيقة يوم الجمعة فقط ... لاجل الخطبة , اسال الله تعالى ان يجرى الحق على قلبى ولسانى وان يفتح لى قلوب الناس
9- ياترى بتصلى الفجر حاضر وليك ناس بتصحيهم ولا لا ؟
بفضل الله منذ الصف الثالث الثانوى .... لا مفيش ناس اصحيهم لانى شغال فى شرم الشيخ وغالبية العاملين معنا يصلون ولكن يقصرون فى صلاة الفجر فى جماعة ....
10- ياترى بتصلى قيام الليل ولو بركعتين ؟ ولو مش بتصليه يبقى ليه ؟
كنت مواظبا عليه ........ واسال الله تعالى ان يردنى اليه ردا جميلا
11- ممكن حكمة منك او موعظة او ذكر او اى حاجه مفيدة من عندك ؟
من اجمل ما قرات من الحكم "اذا اردت صديقا بلا عيوب , عشت طيلة عمرك بلا اصدقاء"
ومن العظات قول ابن القيم رحمه الله "
دافع الخطرة فان لم تفعل صارت فكرة ,ودافع الفكرة فان لم تفعل صارت شهوة,فحاربها, فان لم تفع لصارت عزيمةوهمّة , فان لم تدافعها صارت فعلا, فان لم تتداركه بضدّه صارعادة ,فيصعب عليك الانتقال عنها ....."
