السلام عليكم ورحمة الله وبركاته
هذه بعض الرموز التى يداعب بها الشعب المصرى بعضهم البعض فقد اشُتهر بالفكاهه فى كل شىء حتى حين التحدث نبدأ على بركة الله وان شاء الله ياجماعة ياريت تحطوا معنا ايضا فى هذا المواضيع ونبين الكلمات الاعجمية التى مزجت بالعربية والكلمات القبطية التى مزجت بالعربية المصرية ......
نبدأ على بركة الله
الذى على اليمين هو العربية الفصحى (ربما) واليسار هو العامية او ما يقابلها
السلام عليكم ورحمة الله = ازيكم
تفضل بالجلوس= اتفضل اعقد
كيف حالك = عامل ايه
كيف الاولاد= ازي حماده
كيف الوالدة = ازى أمك (وتحس ان أمك دى طالعه زى القنبلة)
كيف الوالد = ازى ابوك (// .... // )
ماذا تفعل = بتعمل ايه
حفظك الله = ربنا يحفظك
رحمة الله عليه = ربنا يرحمه ويبشبش الطوبة اللى تحت راسه (واذا قالها احد الى حى يقوله هو مات )
تعالى بنى = خد ياض
اذهب بنى = روح ياض
من الطارق= مين !! مين !! مين !! (واللى يغظيك محدش يرد )
من بالباب = افتح لاديك بالأبأب (حذاء مكون من جلده وخشبه ) ضربته روعة تخلص على طووووول
هل الجد متواجد= الحاج موجود
هل الجده موجودة= تيزه موجودة
انتظر يا اسطى= حاسب هنا يا اسطى يا اسطى يا اسطى ( تحس انه بيوقف العربية معاه)
منذ متى وانت هنا= جيت امته
جمال توفى والده= جمال ابوه مات ودفناه النهاردة
البقاء لله= منجلكشى (يعنى لا ناتى اليك مش عارف كلمة افريقية) فى حاجة وحشة تانى
لا تشرب = متشربشى
لا تأكل = متكلشى
لاتلعب= متلعبشى
لن أكل = مش واكل
لن اشرب = مش هشرب
لدى مليون جنيه= معايا ارنب
لدى 5 جنيه = معايا شلن
لدى خمسين جنيه = معايا شلن كبير
ضع الرشوة = اهرش (الموظف يعنى يقول ضع رشوتك )
امرأة = لها عدة معانى (ولية ,ست , ام جلمبو,بالجمع تصبح نسوان)
رجل = راجل (الحمد لله معنى واحد بس)
هل تشرب شاى= اعملى شاى فى الخمسينه كده
نتسكمل المرة القادمة وضعوا ايضا معنا
