السلام عليكم ورحمة الله وبركاته
بعد الفوز بالدورى كان لزاما علينا ان نحيى نادى البطولات نادى الاهلى
وقد سبقنى الى هذا اخى وحبيبى وقرة عين المنتدى
دكتور عواد
والذى اهدى اليه هذة الخاطرة الطازة اللى لسة كاتبها فى حب النادى الاهلى وهى بعنوان
لو انت اهلاوى هتسمع احلى كلام
اليكم الخاطرة وارجو ان تنول اعجاب كل الاهلاوية
لو انت اهلاوى هتسمع احلى كلام
ولو كنت مش اهلاوى خدلك ساتر قوام
حرام ** حرام ** حرام
الاهلى دا نادى بطل على مر الايام
وغيره يا عينى عايش على شوية اوهام
حرام ** حرام ** حرام
مع الاهلى نادينا الغالى ما بنعرفش الالام
وغيرنا دا خلاص الالم فى حياته دام
حرام ** حرام ** حرام
طول ماأنت اهلاوى
هتعيش على طول فى افراح
اما بقى غيرنا
كفايه عليه البكى والنواح
قالولنا من اسبوعين
الدورى خلاص راح
قولناهم يا غلابة
الدورى فى بيته مرتاح
قالولنا لعبيتكم تعبانة
قولنالهم بيغلبوا رغم الجراح
طول ما انت اهلاوى
هتكون مرتاح البال
ويا عينى لو مش اهلاوى
الفرح عندك محال
الاهلى على البطولات ناوى
وهيفضل كدة على دا الحال
قالولنا بتخدوها بالحكام
دا كلام زهقنا منه وطال
حكام ايه يا غلابة
كفاية كلام عن الابطال
دكتور عواد يا حبيبنا
وشك علينا زى القمر
خلى اللى مالهش يبعد ويسبنا
ويقاسى لوحده مر السهر
اى فريق فى مصر غيرنا
دا خلاص للبطولات هجر
ما فيش بطولات غير لفريقنا
وده اللى عليه الاهلى اصر
(كتبها طارق المنشاوى يوم 24-5-2009 يوم الفوز بالدورى)وهى قابلة للزيادة فى اى وقت على حسب بقى ههههههههه
ارجوان تنال اعجاب الاهلاويه بس طبعا واللى عندهم روح رياضية
وانا بهديها للدكتور عواد
[/COLOR][/COLOR][/COLOR]
