مسلمة لله السلام عليكم ورحمه الله وبركاته زوج: ايه ؟؟ مش هاتشربينى فنجان قهوه النهارده ولا ايه؟؟ زوجه: حاضر يا راجل مانا هاقوم اعمله اهه زوج: هاتعمليه ايه بس انتى بقالك ساعتين واقفه فى المطبخ ولسه ماعملتيش القهوه؟؟ زوجه:اديك بنفسك شايف انى بقالى ساعتين يعنى ربنا يعينى بقى فى وقفتى دى زوج: اه موال كل يوم بقى انتى هاتبدأى ولا ايه؟؟ زوجه: ابدا ايه يا راجل يعنى اما اتعب افضفض مع مين يعنى؟؟ زوج: وهو انتى ما بتتعبيش غير لما اطلب منك حاجه؟؟ زوجه: لا حول ولا قوه الا بالله هو ده ال ربنا قدرك عليه تقوله؟؟ مفيش كلمه حلوه الواحده تسمعها فى البيت ده؟ زوج: لاء بقى انتى شكلك عايزه تقلبيها نكد وانا مش ناقص كفايه عليا قرف الشغل وال باشوفه فيه..مش هايبقى النكده بره وجوه كمان زوجه: انا؟؟ انا نكد؟؟ كل ده عشان ايه؟؟ عشان باقولك ضهرى اتقطم من وقفه المطبخ؟؟ زوج: لاء وانتى الصادقه عشان انا ال استاهل عشان مانزلتش شربت فنجان القهوه تحت مع اصحابى انا استاهل والله زوجه: على الاقل انت بتخرج تفرفش روحك وتغير مناظر اما انا من المطبخ للشغل البيت للغسيل والعيال لما خلاص تعبت انا حاسه انى مخلعه من بعضى والله وعضمى كله بينشر عليا زوج : آه هاتقعدى تقوليلى ضهرى وتبدأى موال الشكوى تانى؟؟ زوجه: طيب قولى سلامتك حتى ؟؟ زوج: وانا؟؟؟ انا تعبى طول النهار وحرقة دمى فى الشغل وده يتنطط عليا وده يقرفنى مالهاش عندك اى تقدير؟؟ عمرك قولتيلى سلامتك ولا كلام من ده؟؟ زوجه : ياااااااه دانت صحيح قلبك اسود دانا طول النهار باقولك تسلم يا ابو العيال وربنا يخليك لينا ..ايه مش فاكر لى حاجه خالص؟؟ زوج: ولا فاكر انى سمعتك بتقوليها ابداً...........باقولك ايه؟؟ هاتعملى القهوه ولا انزل؟؟ زوجه: حاضر زوج: حاضر..؟؟؟ ومالك بتقوليها بمسكنه وذل كده؟؟ زوجه: باقولك حاضر حاضر مش عاجبك كده ولا كده؟؟ زوج: لاء دى بقت عيشه صعبه الواحد مش عارف ياخد حقه فى البيت ده ... زوجه: طب وهو حد واخد حقه فى البيت ده غيرك؟؟؟؟ زوج:طب والله مانا قاعدلك ...ومش عايز منك حاجه..... زوجه: ايوه اتلكك عشان تنزل وتسيبنى طررااااااااااااااااااخ صوت لرزع باب الشقه ينهى معه المناقشه..... ولا زال الصراع مستمر .. .والى لقاء جديد مع مناقشه اخرى
رحاب رد: حوارات اتنين متجوزين.. السلام عليكم ورحمة الله تعالى وبركاته هههههههههه رائع ....هم دائما بيتلككو ويبحثوا عن أي سبب للخروج وترك البيت بيظهر لها المسكينة يعني اانها لا تهتم به ...ويروح عامل خناقة ويخرج .من البيت....حسبنا الله ونعم الوكيل هههههههه ألف شكر على الموضوع الجميل عزيزتي ...وربنا معانا ...
هنا روحى رد: حوارات اتنين متجوزين.. هههههههههههههههههههههههههه عندك حق والله دايما بيتلككوا مش عارفه ليه حتى حاضر كمان مش عاجباه ماينزل يشرب على القهوة امال هما اتعملوا ليه هههههههههههه تسلمى حبيبتى وفى انتظار حوار اخر
مسلمة لله رد: حوارات اتنين متجوزين.. رحاب, post: 37954 كتبالسلام عليكم ورحمة الله تعالى وبركاته هههههههههه رائع ....هم دائما بيتلككو ويبحثوا عن أي سبب للخروج وترك البيت بيظهر لها المسكينة يعني اانها لا تهتم به ...ويروح عامل خناقة ويخرج .من البيت....حسبنا الله ونعم الوكيل هههههههه ألف شكر على الموضوع الجميل عزيزتي ...وربنا معانا ... ههههههههههههههههههه ومفيش حد فيكم بيعجبة العجب والله يا رحاب ... ولو عملتي صوابعك العشرة شموووووع .. هيستعملوهم ويشتكوا برضوة ... وعلي رأيك ربنا معانا .. وينصرنا عليهم معشر الرجااااال.. :sm144: ههههههههههههههه نورتيني يا رحاب يا حبيبتي
مسلمة لله رد: حوارات اتنين متجوزين.. هنا روحى, post: 38026 كتبهههههههههههههههههههههههههه عندك حق والله دايما بيتلككوا مش عارفه ليه حتى حاضر كمان مش عاجباه ماينزل يشرب على القهوة امال هما اتعملوا ليه هههههههههههه تسلمى حبيبتى وفى انتظار حوار اخر هههههههههههههههههههه انا عارفة ياختي ... أمال القهاااوي أتعملت ليه ...؟؟؟؟؟؟ علشان نرتاح أحنا منهم شوية ,,,,, نورتيني يا دودو ... تسلمي
احمدالمحامي رد: حوارات اتنين متجوزين.. حط الطوبه على الطوبه تبقى العركه منصوبه بس أرجع اقول دي الفلفل والشطه الي بتحل الأكل
احسان صديق رد: حوارات اتنين متجوزين.. خلاص أنا رح اعمل ألقهوة بعزة نفسي ومش عايز المناقشات دي خلينا مرتاحين ومحدش يطفش ههههههههههه شكرا لك اختي...إضافة روعة ومرحة أوي
دكتور عواد رد: حوارات اتنين متجوزين.. انا الدمعة كانت هتفر من عينى على مداخلات رضوى والباشمهندسة ياعينى عليكم للدرجادى حاسين بالقهر وهى ماتعملش القهوة ليه علطول يعنى المفروض من قبل مايفكر تكون القهوة اتعملت
مسلمة لله رد: حوارات اتنين متجوزين.. احمدالمحامي, post: 40332 كتبحط الطوبه على الطوبه تبقى العركه منصوبه بس أرجع اقول دي الفلفل والشطه الي بتحل الأكل ههههههههههههههههههههههههه ايوة ايوة ... بس أحنا اللي بنتظلم علشان الآكل يبقي حلو ههههههههههههههههههه شكرا لك أخي أحمد ... تسلم
مسلمة لله رد: حوارات اتنين متجوزين.. إحسان صديق, post: 40334 كتبخلاص أنا رح اعمل ألقهوة بعزة نفسي ومش عايز المناقشات دي خلينا مرتاحين ومحدش يطفش ههههههههههه شكرا لك اختي...إضافة روعة ومرحة أوي ايوة الله ينور عليك أخي أحسان .... هو ده الكلاام الصحيح ههههههههههههههههههههه يا ريت كل الرجالة زيك كده بتفهم شكرا لك ولرأيك الراااائع ... تسلم
مسلمة لله رد: حوارات اتنين متجوزين.. دكتور عواد, post: 40571 كتبانا الدمعة كانت هتفر من عينى على مداخلات رضوى والباشمهندسة ياعينى عليكم للدرجادى حاسين بالقهر وهى ماتعملش القهوة ليه علطول يعنى المفروض من قبل مايفكر تكون القهوة اتعملت شوف أزااااااااااااي ....!!!!!!! أولا يا دكتور ,,,,, أحنا مش حاسين بالقهر ولا حاجة ... أحنا واخدين حقنا بالثلث ... متقلقش .. ثانيا ,,,,, ليه بقي هي تعمل القهوة علي طول ...!!!!!!! لازم لازم هو يساعدها ... ولا عاوزين كل حاجة علي الجاهز ....:sm229:
مسلمة لله رد: حوارات اتنين متجوزين.. ************************************************** *** الحوار التانى *********************************************** ****** الزوجة : حبيبى هو انت ازى حالك و شغلك ؟ الزوج : ايه ؟؟ قولى تانى كدة ؟؟ مين ؟؟ تقصدينى انا ؟؟ الزوجة : فى سرها : الراجل لسع منى ولا ايه ؟؟ على العلن بقى : اها انت طبعا يا روحى الزوج : حبيبك و روحك ؟ قولى تانى كدة ؟؟؟ مين ؟؟ تقصدينى انا ؟ الزوجة : فى سرها برضو : فى الراجل علق ولا ايه : على العلن : ايوة انت طبعا الزوج : مش عادتك ياعنى تقوليلى كدة 00 اخلصى عايزة ايه ؟ ؟ الزوجة : ضحكة صفرا هههههه دايما قارينى كدة انت مشكلة .. بتردد كنت عايزة الزوج : انطقى ياختى انا سامع اهو الزوجة : كنت عايزة اروح لمام او هى تجيلى هنا ( بتردد ) الزوج : مين يا ختى ؟ امك ؟ تانى امك بصى امشى من قدامى بدل ما اغزك الزوجة : وليه كل دة يعنى ؟ طيب بلاش ماما انا عايزة اتفسح الزوج : بخبث ومكر : اااااااه يا ظهرى الشغل كان متعب اوى النهاردة الزوجة : فى سرها : اها بيتوه كالعادة 0 فى العلن : بقولك عايزة اتفسح الزوج : فى سره فسحه يعنى فلوس ووقت و ملل و تدبيس : فى العلن : ماشى خليها يوم الاجازة الزوجة : فى سرها : صباح الاستهبال النهاردة اجازتة 00 فى العلن : انت ياعم النهاردة اجازتك الزوح : فى سره : دى مش بتنسى ابدا 00 فى العلن : طب يلا روحى البسى لحد ما اجهز نفسى الزوجة راحت تلبس وتجهز نفسها لقت الزبون نايم و بيستهبل عليها ************************************************** ************ منتهي الظلم ...
ياسر الدغيدى رد: حوارات اتنين متجوزين.. على فكرة دائما تظلمون الرجال يلا مفيش مشكلة بس على راى المثل اللى خدته القرعة تاخده ام الشعوووووووووور
نادو رد: حوارات اتنين متجوزين.. لا كدا عاجب ولا كدا عاجب وفى الاخر يقولوا الرجال مظلومين طب اهى بتتكلم معاه بكل ذوق قولولى بقى تعمل ايه وفى الاخر اتلكك ونام وتقولولى ايه السبب فى النكد ماهوه لو بيخرجها اكيد كانت هتبقى مبسوطه ومش هيكون فى مجال للنكد
ياسر الدغيدى رد: حوارات اتنين متجوزين.. نادو, post: 74550 كتبلا كدا عاجب ولا كدا عاجب وفى الاخر يقولوا الرجال مظلومين طب اهى بتتكلم معاه بكل ذوق قولولى بقى تعمل ايه وفى الاخر اتلكك ونام وتقولولى ايه السبب فى النكد ماهوه لو بيخرجها اكيد كانت هتبقى مبسوطه ومش هيكون فى مجال للنكد لا والله فعلا فى ظلم الست لما لما لما.... ياعينى لما لما .... هكذا قال الشاعر المزمبيقى ؟؟؟؟ هو لو طال يخرج روووحه هيخرجها منها فعلا هموم الحياة تجعل اى رجل مهما كانت مكانته تعيس لان الراجل محتاج سفن اب .........
انا والقمر رد: حوارات اتنين متجوزين.. ههههههههه حوار طريف جدا وفعلا بيظهر الظلم اللى بتعانيه الستات هو مش ظلم ظلم يعنى واللا اقلك خليها ظلم حد يقدر يقول حاجه هههههه شكرا يا نادو على الحوارات التحفه دى
أبوعمارمحمودأبوالنور رد: حوارات اتنين متجوزين.. شكرا حوار ناجح ... أليس هذا بظلم أن تقولى الرجالة ظالمين ... صدق رسول الله صلى الله عليه وسلم {.........} و {........ } ابو عمار
أبوعمارمحمودأبوالنور رد: حوارات اتنين متجوزين.. أنا أعتقد لو يوجد حوار من الأساس كانت المشاكل انتهت ................ ولا أيه ...........ززز لكن الذى بين هؤلاء عبارة عن نقاش عقيم لايوجد فى ثناياه التصالح .... وفرق كبير بين الحوار وأسلوب الإقناع ؛ والنقاش الذى يدور بين اثنين يريد كل منهما أن ينتصر على الآخر ..... ولاأيه رأيك فى الكلام ده ......... ابوعمار
moustafakh5 رد: حوارات اتنين متجوزين.. ياعم ان شاء الله هيرجع وهيشرب القهوة وهينسوا كل حاجة مفيش بيت بيخلى من المشاكل ، وهما غلطتهم حاجة واحدة أنهم في المحادثة ماستعازوش بالله من الشيطان الرجيم كان المفروض يستعيزو بالله من الشيطان ويكبروا عغن التفاهات دي بقى وطالما هي شغالة زيها زيه كان دخل عملة لوحدة ، ولا هي منظرة بالفاضي هههههههههههههههههههههههههههههههههههههههههههههه وربنا يهدي ويصلح أحوال المسلمين أجمعين وتقبلوا مروري وتحياتي وتشكراتي
مسلمة لله رد: حوارات اتنين متجوزين.. ياسر الدغيدى, post: 74542 كتب على فكرة دائما تظلمون الرجال يلا مفيش مشكلة بس على راى المثل اللى خدته القرعة تاخده ام الشعوووووووووور [/QUOTE] علي فكرة الرجالة محدش يقدر يظلمهم .. وبالمناسبة أنا من زمان نفسي أعرف معني المثل ده ...؟؟؟؟؟؟ يعني أيه اللي خدتة القرعة تاخده أم الشعور ..هههه
