صوت الامة السلام عليكم ورحمة الله النهاردة فات على الثورة تقريبا 7 شهور ولسه بنتكلم معملناش أى حاجة غير الكلام !!!!!! اللى مؤيد للثورة عمال يتكلم وسايب شغله واللى رافض بردو بيتكلم عشان يثبت صحة رأيه والى مفكر نفسة بانة هو حامى حمى الديار والى عمال يتكلم على الفاضى والمليان ومفكر نفسة فليسوف الى عمال باصص للحكومة وبيقول مبتعملشى ومبتسويش وحاتطها فى دماغة طيب آخرة الكلام أيه؟؟؟ هنقضيها كلام؟ حال البلد واضح أنه مش هيستقر بسهولة حالة الصراع السياسي والفكرى اللى موجودة مش هتنتهى ببساطة ومع ذلك احنا لسه بنتكلم بقى فى حالة احتقان كبيرة بين أطياف الشعب محدش عايز يسمع رأى حد ولا حد عنده استعداد يتناقش كلة راكب دماغة الى ما رحم ربى والى لسة عندة شوية عقل اتقسمت البلد بين ثوار وفلول نسينا مصر!!!!!!! طيب مين يبدأ ؟ مين ياخد الخطوة الأولى؟ النخبة !!! اللى بيسموا نفسهم النخبة دول للأـسف هدفهم حب الظهور وبعدين مين اللى انتخبهم بأى حق بلاء الأسوانى يكون من النخبة ألا بئست هذه النخبة ومين فوضهم للكلام باسمنا ارتبطت عندى فكريا كلمة النخبة بكلمة العلمانيين خلاص دول مش هيقدموا حاجة لمصر دول بيدور على نفسهم وبس ده دورنا احنا ودى بلدنا عايشين فيها وولادنا هيكبروا فيها انما النخبة معاها جواز سفر تقدر تسافر بيه فى اى وقت انما احنا ملناش وطن تانى احنا مش قليلين عدديا ولا فكريا لماذا لا نتبنى خطة تنمية لكل حى ومدينة كل مدينة يتعمل فيها مجلس استشارى عمله تطوعى ويضم خيرة عقول المدينة ( وده ميكونش له علاقة بالمجالس المحلية) يفكروا ازاى يطوروا الموارد ويوجدو فرص عمل ويطبق نفس الكلام على المستويات الأصغر فى الاحياء والشوارع المدارس تبقى منارات لنشر العلم والمساجد والكنايس تعلم الناس اصول التعايش الصحيح نبنى بلدنا بادينا لان محدش هيبنيها لينا نتعب شوية ونشوف حاجة تشغلنا عن الكلام كلنا بلا استثناء سواء كنا مع أو ضد الثورة مقدمناش غير الكلام قاعدين نتحاور ونجادل محدش فينا فكر بكر أولادنا هيعيشوا إزاى كام مصنع اتقفل وكام عامل قعد فى البيت؟ ليه مانعملش صناديق استثمارية للمشروعات الصغيرة ( وتكون ملهاش علاقة بالصناديق الموجودة بالفعل تكون حاجة زى التكافل الاجتماعى كده) لو كل واحد قادر اتبرع بمبلغ واعتبره زكاة مال حاجات كتير ممكن نعملها ونقدمها لمصر مش عاوزين نتكلم أكتر من كده تعبنا كلام ومفيش جديد نفسي نشتغل وننتج ونقدم شيء أكبر من الكلام نفسى نبدا نبى بلدنا احنا بعيدا عن تعليق الشمعات نفسى نتغير احنا الاول ومنقولش فلان عمل وفلان سوى نفسى نبص لنفسنا نشوف احنا عملنا اية للبلد دى؟ نفسى نعمل احنا الاول وبعدين نتكلم نفسى نبص للاية الكريمة دى ونفكر فيها كويس "ان الله لا يغير ما بقوم حتى يغيرو ما بانفسهم" لو بنحب البلد دى بجد لازم نشتغل ونبص ليها ونبنيها بادينا وبعملنا وبجدنا لازم نغير نفسنا احنا الاول علشان نحس بيها ونحافظ عليها
محمد عاطف سالم رد: لغاية امتى هنفضل نتكلم !! مكفاية بقا فعلا يااسامة عندك حق في كل كلة قولتها وانا اتفق معاك في الرأي احنا عايزين تغيير في قلوبنا وضمائرنا أولا حتى يغير الله من حولنا تسلم ايدك وحشتنا موضوعاتك
