صوت الامة السلام عليكم ورحمة الله اهلابيكم جميعا اخوتى الافاضل لكم اشتقت اليكم فى حقيقة الامر هذا الموضوع يشغلنى جدا جدا حيث انتشرت اضرارة وجوانبة السبية والطبيعى ان بعد الثورة كلة يتغير بقا اقصد بكلى اى كل السبيات الى خلفها النظام البائد الله لا يرجعة ولا يرجع ايامة ندخل بقا فى الموضوع على طول كعادتنا القصة بسيطة جدا عمنا الحاج "أحمد" خريج من عشر سنين لف على شغل وراح هنا وهناك لغاية ما كعوبه ورمت وخلال رحلة بحثه عن وظيفة ملقاش ولا وظيفة ثابتة وكان بيتنقل كل فترة والتانية من شغلانة لشغلانة وفى يوم من ذات الأيام يصحى "احمد" بعد عناء ليل طويل أوصله بنور النهار سهرا على الفيس والنت على صوت زغروتة خالته " أم محمد" ويطلع يبص من الشباك قلقان ما يكنش البت "منى " بنت أم "محمد" إتخطبت (يصرخ فى نفسه بصوت هادى ياااااالهوى هيه ناقصة البت اللى بحبها تضيع منى هو أبوك كان بيشتغل فين؟؟!!)....تطل عليه "أم محمد " كعادتها من الشباك عقبالك يا أأأأأأأأأأأحمد عقبال مانزرغتلك يوم ما تلاقى الوظيفة يا حبيبى يرد "أحمد" بصوت مرعوش خير إن شاء الله يا خالتى ؟؟!! : محمد أخوك يا حبيبى إتـعين وأستلم خلاص مكان أبوه ينظر أحمد فى إندهاش ويتسأل إزاى يعنى مكان أبوه ؟؟؟!!هو أبوك كان بيشتغل فين؟ يوه نزل يا خويا "أبناء عاملين" أصل نظام الشغل بتاع أبوه كده الموظف ليه ينزل ولاده من بعد طلوعه على المعاش هو النظام كده ثم تفقع أم محمد مرارة أحمد بسؤال "هو أبوك كان بيشتغل فين؟؟؟فيصمت أحمد محدقا لها وعاجزا عن الرد وتنظر ليه أم محمد نظرة إذدراء وهو أبوك كان بيشتغل فين تخوف من أن يطس "أحمد"أبنها عين فتتابع ... والله من ساعتها وأنا مش عارفة ماله ؟؟ أقوله يا واد كل يقولى ماليش نفس يا أمه والنبى نزل من تيابه حسرة عليك يا أبنى يلا سلملى على أمك . يترك أحمد الشباك وهو فى حالة "إزبهلال "هو أبوك كان بيشتغل فين بقنا ياربى اللى ذاكرت وتعبت وجبت تقدير أقعد فى البيت لا شغله ولا مشغلة والواد محمد اللى ما كنش وراه غير اللف والسرمحة والقعدة على القهاوى يتوظف كده بلمحة عين ؟؟؟اللهم لا إعتراض يارب أستغفر الله العظيم .هو أبوك كان بيشتغل فين تمر الساعات طويلة وممله لحين معاد الغدا ، "أحمد" نفسه مسدودة كالعادة ولكن الجديد تلك النظرة المعاتبة لأبوه والتسأؤل الذى كاد يطل من رأسه ليه بس يا بابا تعمل فيه كده هو أنت لو ما كنتش دلوقتى موظف كان زمانى بقيت بدالك فى الوظيفة إخس عليك أب ،شوف أبو محمد جاب لأبنه الوظيفة إزاى آدى الأبهات اللى تفرح آه يا خبتى يااانى وخيبة أملى فى أبويا أنت السبب يابا.هو أبوك كان بيشتغل فين يارب قصدى يكون وصل واسف على الاطالة فى رعاية الله
