ABAZEED أنا نونو.. نونو قوى.. لسه فى بطن مامتى.. بس حبيت أرغى شوية.. أصلى قاعد هنا لوحدى.. صحيح آخر دلع.. بس برضه نفسى اتكلم.. كمان ماما مدوخانى معاها.. طول النهار محسسانى إنى فى الملاهى.. طالعة نازلة مش بترتاح ولا بتريحنى.. من شغلها.. لشغل البيت.. لأخواتى.. طول النهار كده.. وأخواتى بقى.. طول النهار دوشة وشقاوة.. وماما تصرخ فيهم علشان يسكتوا.. علشان يقعدوا يذاكرولهم كلمتين.. بس هما دايمًا مش بيسمعوا الكلام.. ويقولولها ما هو مفيش فايدة من المذاكرة دى.. ما أخونا الكبير أهو.. طلع عينه فى الثانوية العامة.. وجاب مجموع كبير.. وما دخلش بيه كلية كويسة.. وفى الآخر قاعد لا شغلة ولا مشغلة.. أما بابا بقى.. فطول النهار يزعق ويتخانق مع ماما.. ويشتكى من الأسعار اللى بقت نار.. والزحمة فى الشارع.. وقسوة الناس وجشعهم.. وطابور العيش اللى ما بيخلصش.. والفواتير اللى بقت نار.. ميه وكهربا وغاز وتليفون.. والنظافة اللى بندفعها ومابنشوفهاش.. حراااااااااااام.. وكمان الكوسة اللى فى الشغل.. بتطلع عينه ومش بياخد حقه ومديره هو اللى ياخد مجهوده.. والنفسنة بين زمايله.. وحاجة عجب.. كل ده وأنا سامعهم وساكت.. وخالى كمان.. عاوز يخطب حبيبته.. بس ما باليد حيلة.. خالى شغل وجيوبه مفلسة.. ولا عارف يجيب شبكة ولا شقة ولا عفش.. ولا حتى دبلة فضة.. وأهل العروسة محكمين رأيهم.. شقة 100 متر وعلى النيل.. وشبكة بكام ألف جنيه.. اعذرونى لسه مابعرفش أعد.. ويكتب مؤخر كبير قوى.. وكمان لازم يجيب تامر حسنى يغنى فى الفرح.. وهما كمان عمالين يجيبوا فى فرش وسجاد وستاير وصينى وحاجات ليها العجب.. معظمها بيتحط كده من غير لازمة.. وعمى اللى بيجى يشكى لبابا همه.. أصل ولاد الحرام نصبوا عليه وأخدوا تحويشة العمر.. وعشموه بالسفر.. أتاريهم يقصدوا سفرهم هما.. هما اللى أخدوا فلوسه وسافروا.. بس أحلى حاجة بقى تيتة وجدو.. دول اللى زى العسل.. وعاوز أنزلهم مخصوص.. مدلعين أخواتى على الآخر.. بونبونى وحلويات ولعب وحواديت.. آآآآآآآآآخر دلع.. بس تيتة طول النهار تهزأ البنات بتوع الفيديو كليب.. وتقول مياصة وقلة أدب.. مفيش حياء ولا تربية.. ولا حتى صوت حلو يصبرنا.. مفيش غير تنطيط ورقص ومياعة وبس.. وشباب مايصين ولا تفرقهم عن البنات.. وبيتكلموا كلام عجب.. لغة مش فهماها.. وبيشربوا بانجو وسجاير ولا بيهمهم .. وطول النهار صايعين فى الشوارع.. معقول دول ليهم أهل.. جدو بقى زعلان قوى.. كل يوم يرجع من الجامع متضايق.. بيقول الناس بطلت تصلى.. معقولة دى !! الولد المجرم ابن الجيران بيزعق لأبوه عينى عينك كده.. والبنت اللى تستاهل الضرب بتبجح فى أمها.. عيال آخر زمن.. بس أكتر حاجة بتوترنى بقى هى نشرة الأخبار.. اللى بابا وجدو بيصمموا يسمعوها كل يوم.. كلها ضرب وقتل وحوادث.. وسرقة ونهب.. ولا فيه مرة خبر عدل.. حاجة تغيظ.. أنا هنا بقى شارى دماغى.. باكل وأشرب ببلاش.. ولا بدفع إيجار ولا ميه ولا نور.. ولا برمى زبالة فى الشارع.. وكمان معنديش مذاكرة ولا شايل هم شغل.. ولا عاوز أتجوز واحدة تطلع عينى وعين اللى جابونى لحد ما أتجوزها.. وبعدين أبقى زى بابا وجدو وخالو وعمو.. تقتكروا بعد كل اللى بسمعه ده.. أجى الدنيا ليه !! أجيب نفس منين!! مش أنا هنا أحسن برضه!! وللا انتوا إيه رأيكم؟ منقول من موقع اليوم السابع
مريم بنت الزهراء رد: رسالة من نونو (( مش عايز أطلع للدنيا )) الظاهر انك نونو قروب شوف يا ماما مدام ربنا خلقك في بطن امك يبقى خلاص هو اعلم واحكم بخلقه والكلام اللي قلته صحيح بس الاذكياء اللي زيك دورهم ايه؟ انت لازم تيجي للدنيا عشان تاخذ دورك في التغيير والا عايز تبقى سلبي وانهزامي؟ لا لا لا دة ما يليقش بنونو ذكي ومفتح زيك يالله يابطل ورينا همتك وتعالى للدنيا وخذ دورك اللي ربنا خلقك عشانه اصل رسولنا الكريم صلى الله عليه وسلم سيكاثر بنا الامم اللهم اصلح امورنا كلها ولا تكلنا لانفسنا طرفة عين اللهم ردنا الى دينك ردا جميلا جزاكم الله خيرا اخي الكريم موضوع غاية في الروعة :more7::more26::more30::more10::more12::more34:
ABAZEED رد: رسالة من نونو (( مش عايز أطلع للدنيا )) شكرا لمرور حضراتكم الكريم اخت مريم كلام حضرتك منطقى بس الطفل معقد من اللى بيسمعه بارك الله تعالى فيكى وأكثر من أمثالك
مسلمة لله رد: رسالة من نونو (( مش عايز أطلع للدنيا )) بصراحة النونو عنده حق بس بقي لازم يجي للدنيا ما باليد حيلة . بارك الله فيك وعقبال ما نشوف النونو بتاعك .
ABAZEED رد: رسالة من نونو (( مش عايز أطلع للدنيا )) مسلمة لله, post: 232757 كتب وعقبال ما نشوف النونو بتاعك . يــــــــــــــــــــــارب
طائر الباتروس رد: رسالة من نونو (( مش عايز أطلع للدنيا )) هو نونو ولا نوناية ؟؟ لو كانت نوناية ممكن تنزل ويجيها دور حصبة يطلع من ريحتها ولو كان نونو ينزل ويشوف المعيشة شكلها ازاى ولو معجبتهوش يركب اى قطر طالع على قبلى , ويرتاح من حياته
مريم بنت الزهراء رد: رسالة من نونو (( مش عايز أطلع للدنيا )) abazeed, post: 232750 كتبشكرا لمرور حضراتكم الكريم اخت مريم كلام حضرتك منطقى بس الطفل معقد من اللى بيسمعه بارك الله تعالى فيكى وأكثر من أمثالك والله معاه حق يتعقد هو اللي سمعه شوية بس يعني بنقول تفائل وربنا موجود وفيك بارك اخي الكريم وجزاك خيرا
ابو نضال رد: رسالة من نونو (( مش عايز أطلع للدنيا )) [b][b]اخى الفاضل واستاذى ابا زيد الحياة مش مستاهلة ده كله ممكن يشنق نفسه باى شريان اى وريد جوه اى مصران حتى احسن ما ييجى الدنيا ويضطر يعملها من على كوبرى قصر النيل ولا ايه وبورك لكم وجعله الله فى ميزان حسناتكم وجزاكم الله خيرا على ما تقدموه من افكار وموضوعات قيمة وفتح عليكم وتقبل منكم اعمالكم واثابكم وثقل موازينكم وجعل الجنة هى داركم آمييييييييييييييييييين [/b] [/b]
ABAZEED رد: رسالة من نونو (( مش عايز أطلع للدنيا )) ابو نضال, post: 233052 كتب[b][b]اخى الفاضل واستاذى ابا زيد الحياة مش مستاهلة ده كله ممكن يشنق نفسه باى شريان اى وريد جوه اى مصران حتى احسن ما ييجى الدنيا ويضطر يعملها من على كوبرى قصر النيل ولا ايه وبورك لكم وجعله الله فى ميزان حسناتكم وجزاكم الله خيرا على ما تقدموه من افكار وموضوعات قيمة وفتح عليكم وتقبل منكم اعمالكم واثابكم وثقل موازينكم وجعل الجنة هى داركم آمييييييييييييييييييين [/b] [/b] استاذنا الكريم ابونضال دائما مواضيعى تتشرف بمرور حضرتك جزاكم الله تعالى خيرا وأكثر من امثالك
