السلام عليكم ورحمة الله وبركاتة
كيفكم جميعا احبتى الكرام فى افضل منتدى منتديات مولانا الشيخ محمد صديق المنشاوى(رحمة الله)
ندخل فى الموضوع كالعادة:more58:
هو فى سؤال محيرنى قوى مش لقيلة اجابة؟:sm13:
وهو احنا زعلانين ليه ولمين وعشان مين ؟؟؟
حد فاهم حاجة؟:sm231:
ابسطهالكم:more48:
هو سؤلنا اسمة اية؟؟
احنا زعلانين لية؟ تعالو نشوف لية:sm91:
ـــــــــــــــــــــــــــــــــــــــــــــ
طول ما الحزب الوطني بيفوز في الانتخابات ؟؟!!
طول ما الشرطه في خدمه الشعب ...والشعب يقلع عينه عشان الشرطه ؟؟!!
طول ما الاهلي بياخد الدوري والزمالك بيتغلب والحكام تمام ؟؟!!
طول ما موصلناش كاس عالم ..و لسه حسن شحاته محلقش شعره:more72: ؟؟!!
طول ما عمرو دياب الهضبه حتي لو نزل البوم فاضي:more55: ؟؟!!
طول ما فى الناس بتكره تامر حسني حتي لو عمل قرد ..وحتي لو جه علي نفسه وشال شعر صدره :more72: مفيش غير البنات الى بتحبة ؟؟!!:more40:
طول ما الشرطه المصريه اسرع شرطه في العالم في الحصول علي الاعترافات ؟؟!! وده طبعا بعد اول كف من اي مخبر:sm162:
طول ما المخبرين بيلعبوا جيم في ايديهم بس ؟؟!! وعلي رأي احمد السقا ..ده مش كف دول 7 كفوف في بعض:sm236::sm236:
وطول ما الشباب بيتسلي بالبنات ؟؟:las1:
وطول ما لسه البنات بتصدق الشباب ؟؟!!:more23:
طول ما بنضرب في الجزاير ونيجي هنا نعملهم رحلات ترفيهيه للاهرامات ؟؟:more45:
وطول ما بتاخد رخصتك من عسكري المرور ب 10 جنيه ؟؟
مش لسه الدنيا زحمه والجو حر ؟؟:more52:
مش لسه الحراميه شغالين وكلو تمام ؟؟
مش لسه فيه ناس عامله سبع رجاله في بعض ويقلبوا قطه مع اول قلم :more52:؟؟
مش لسه عمرو دياب بيحب وحسن يوسف بيتجوز:more9: ؟؟!!
مش لسه العميد بيقول ان الابيض قادم ؟؟
مش لسه بيبسيالمشروب الرسمي لمنتخب مصر ؟؟
مش لسه بريل الراعي الرسمي للراجل المصري ؟؟!!
مش لسه الكوسه في الجامعات ...و ولاد الدكاتره بيتعينوا ؟؟
مش لسه الناس بتشرب شاي بالياسمين ؟؟
مش لسه عادل امام بيهدي افلامه للسيد الرئيس راعي الفنون في مصر ؟؟!!
يبقي ايه المشكله ؟؟ زعلانين ليه ؟؟!!
دى الحياة حلوة بس نفهمها
على فكرة انا كمان احب اهدي المقال ده للسيد الرئيس
:more71:راعي المقالات في مصر:more71:
