طائر الباتروس, post: 223160 كتبواليكم الاسئلة
واليكم الاجوبة ان شاء الله
اول رمضان قمت بصيامه كام كان عمرك ؟
مش فاكر والله بصراحة ,, بس متهيألى كنت فى رابعة او تالتة ابتدائى فى الحقبة دى (هى يعنى ايه حقبة :smile2:؟؟)
موقف طريف لا يغيب عن بالك حدث لك فى رمضان ؟
اااااااااه ... فاكر , بتفكرنى ليه يا ولدى
كنت يا سيدى فى رابعة ابتدائى , وجيت من المعهد خلصااااااان , ودخلت نمت من بعد المعهد لغاااااااااية قبل المغرب بربع ساعة , وقمت من النوم زى المجنون وانا سامع القرآن مش اصبر ... لا ... رحت ع الحنفية وبزعت لى جالون ميه , ابويا يمسك فيا وامى تمسك فيا , والعيال يمسكوا فيا عشان اسيب الميه , وانا اقوللهم لا يمكن ... هافطر .. راحوا سابونى .. وفطرت قبل المغرب بربع ساعة
غباوة بعيد عن السامعين
برنامجك فى رمضان كيف سيكون ؟
الاستيقاظ فى التاسعة ... ذهاب الى العمل , صلاة الضحى وقراءة ما تيسر من القران , صلاة الظهر ثم ما تيسر من القرآن ,,, ثم الخلود للنوم حتى العصر , صلاة العصر ثم ما تيسر من القرآن
تقريبا بتحصل ما يشبه حالة الوفاة لغاية لما يأذن المغرب , لان الواحد بيكون خلاص فى التشاطيب
ثم انتظار الفرج (الاذان :hala☺ الافطار على اللبن والتمر او اللبن والفاكهة , والذهاب للصلاة
شوية فرفشة بعد الافطار , ثم الذهاب للعشاء والتراويح ,, ثم العودة واحضار السحور , ثم مغادرة العمل والذهاب الى السكن , تناول وجبة السحور (ولاول مرة فى حياتى اتناولها قبل النوم ... بحكم انى مش بتسحر لوحدى .. عشان العيال اللى شغالين معايا) ثم النوم , ثم الاستيقاظ فى الثالثة والنصف للفجر , ثم اذكار الصباح ... ثم النوم حتى التاسعة والذهاب للعمل , ثم .... ايه يا عم كفاية خلاص حفظنا
على فكرة انتو لو مش غاليين عليا مكنتش بقيت صريح معاكم بالجردة دى
ما هى الاكلة او الطبق الذى يجب ان يتواجد امامك فى رمضان ؟
الفووووووووووول
هو خرسانة المعدة , ويبقينى حيا الى المغرب , ولولا الفول ممكن اتوفى الضهرية
هل تحرص على السحور ؟
طبعا ... وهو واحد زى حالاتى لو ما اتسحرش ممكن يموت قبل ما يصوم اصلا
شخص تفتقده فى رمضان ؟
اهلى ,,, والواحد والله يا اخوانى مش حاسس بطعم رمضان خااااااااالص
ولولا ان الواحد بيحب يفك ويفرفش شوية كان زمانه طق من الزعل
بمن تفكر اول مل تسمع بحلول الشهر الكريم بعد الوالدين ربنا يحفظ الموجودين ويرحم من انتقل الى جوار ربه ؟
فى كوباية البلح باللبن
بصراااااحة ... بافكر فى ان ربنا يجعل فرج ومخرج , واسيب البلد دى اللى اسمها شرم الشيخ
لأن الواحد خلاااااااص جاب آخره و ومش قادر استحمل
ما الذى تتمنى ان تراه فى المنتدى خلال هذا الشهر الكريم ؟
الروح التى كانت فى رمضان الماضى , وعودة كل اخواانا الذين هجرونا
مشهد يسعدك ان تراه فى رمضان ؟
روح الترابط الاسرى الذى يمثل اللببنة الصغرى لوحدة الامة
اللهم رد الامة الى دينك ردا جميلا
1- تحب رمضان الماضى ام الحاضر ؟
الماضى طبعا بلا نقاش
2- فى رمضان تحب النوم المبكر ام السهر ؟
بصراحة السهر فى رمضان يكون اجمل فى العشر الاواخر , لامتلاء الليل ببرنامج التهجد
فى غير ذلك النوم المتوسط افضل , يعنى لا بدرى قوى ولا وخرى قوى
3- فى رمضان تحب الاجتماع مع الاهل والاصحاب ام الجلوس لوحدك ؟
يا راجل انت بتتكلم فى ايه .. صل على الرسول يا جدع
اكيد الجلوس مع الاهل والاصحاب الدنيا واللى فيها
4- وجه دعوة لخمسة افراد من اعضاء المنتدى على الافطار ؟ من ستختار ؟
اكيد القريبين منى
ومتهيألى اقربهم من ناحية المسافة
خالد السعدى
محمد ابازيد
مصطفى ابو السعود
محمد ابو سحلى
والواد محمد (الظواهرى) كده كده هياجى سواء دعيته او مادعيتوش
( لمن تقول هذه العبارات لاحد اعضاء المنتدى )
والله انت غالى علينا جداااااا
شيخى الكويت الاثنين
والله اشتقنالك جداااااااا
وليد زكى وابو حمزة س وصلاح جمال وصديق
انا وراك وراك والزمن طويل
ابو سحلى , مش هاسيبه غير لما يعبرنى ويرد على
انسى الماضى وخلينا فى الحاضر
مصطفى اسماعيل
انسب هذة الاعمال الى صاحبها
اختار عضو فقط
عضو تحس انة مثقف
خالد السعدى
عضو تتمنة رؤيتة
بصراحة غلبتنى بالسؤال ده , لانى باتمنى رؤية كل الاعضاء
عضو دمة خفيف
ولا عيل
ههههههههه
اكيد باستهبل
بصراحة كلهم ما شاء الله عليهم , خفة دم موروثة
بس بصراحة محمد ابازيد والدكتور عواد بيخلوا الواحد ممكن بطنه توجعه من الضحك
عضو محبوب
انت لو جبتلى (عضو مكروه كان بقى اسهل)
لان كل الاعضاء محبوبين بلا استثناء
عضو متكلم
دى بصراحة احطها فى ميزان الاستاذ عبدالحميد عويس
يا هوووووووووووووو
ده انا طلعت روحى يا جدع
ابقى يا عم من هنا ورايح هات لنا اسئلة بسرعة بسرعة , مش اسئلة اقعد اكتب جرنان عشان اجاوب عليها
سعدنا بكم اخواننا , وان شاء الله يكون رمضان مبارك (وعبدالناصر والسادات .. مخالف يعنى ) علينا وعليكم وربنا يعود علينا وعليكم الايام بخير
ودعواكم معانا ربنا يصلح الحال ويهدى البال
واشوفكم فى الجنة ان شاء الله
قولوا امين يا اولاد
مع السلام عليكم