بسمالله
والله فرحنالك يا وله..!!
يا مساء المساء
والله تلاته انا بكتب البوست ده
وانا زعلان عشان اخوانى المجاهدين فى الثانويه الزفته
الله معكم
يوم السبت هتبتدى المذبحه
مصر كلها وراكوا يا كبير
نبدا من اول الحوار قبل الامتحانات واللبخه
تيجى تسال طالب
فى سنه كام
يقولك بكل حزن وكل حقد لو انت اكبر او اصغر منه (مش فارقه)
انا فى ثانويه عامه
ويليها السؤال التالى على طول
ايه يا حبيبى وفى تانيه ولا تالته
وهنا يظهر نوعين من الاجابات
الاولى انه تانيه ثانوى وربنا يوفقه
وبكده الحوار خلص
لكن لو تالته
يا خبر اسود
متقوليش
وخصوصا لو وليه ارشانه هى اللى بتسال
ده حوارها الرخم
الوليه:وعملت ايه يا حبيبى فى تانيه
الواد:الحمد لله يا تنت
الوليه الارشانه: طبعا يا حبيبى الحمد لله يعنى جبت كام؟
الواد وهو بيضغط على سنانه :الحمد لله يا حاجه
الوليه الرخمه : نحمده ونشكره يعنى مجموعك كام ؟
الواد خلاص( مفيش مفر) : اتنين وتسعين يا حاجه
الوليه بانتصار ( عشان بكده الواد فاقد وهى شمتانه ) :
شد حيلك يا ابنى ده مجموع عالى وهتلحق هندسه
متتعبش نفسك بس قوى
المهم صحتك
ملحوظه دى كده وليه يهوديه)
الواد :حاضر يا تنت
المهم يا جماعه
ده حوار عام
المهم نفسيه الواد
كتاب ابن ستين فى سبعين
اسمه الفزيا
يا لهوى على الكتاب
مبيخلصش وربنا
ولا الكيميا
متعرفش هتخلص امته وازاى
وهتلمها تانى ازاى
ولا الرياضه
وخصوصا اللى زيى اللى انضرب فى مخه
ودخل علمى رياضه
تلت كتب رياضه
هتبقى كده بالضبط
يا لهوى
عيش رياضه
مش دخلت علمى رياضه
عبقرى ياله
طيب البس
ويا سلام بقى لو طلب غباء قوى
( زيى برضه)
وخد احصاء واقتصاد
يا خرابى
كده بجد كملت
واهم حوار بجد بعد ما الطالب يجتاز العقبات دى كلها
ويستعد للامتحان
كده
يطلع الوزير المبجل
ا . د . يوسفى الحمل
ويقول بالصوت الجاعورى
يا ناااااااااااااااااااااااااااااااااس
يا تجار عكاااااااااااااااااااظ
اسمعوا واعوا
امتحانات الثانوى
ستكون باذن الله سهله
خاليه من الالغاز
بها خمسه عشره فى الميه للطالب الذكى
والباقى للمتوسط والبليد
جميع الاسئله مباشره
لقد تلافينا جميع الاخطاء
الخطاب ده بس عشان الطلبه تخش وهى مخدوعه
ده عمو الحمل قال انه سهل
يلا يا اولاد
كله يخش برجله اللى اليمين
يا نهار ازرق
ايه ده
ده مش فى المنهج الامتحان ده
حرام طول الليل اذاكر من الكتاب والامتحان ييجى من الفهرس
كده كتير !!
عارفين انا محروق ليه
مع انى اولى هندسه
لانى انضربت بالنار السنه اللى فاتت وكنت بمتحن
اه والله كنت فى الثانويه العامه
وضرب النار بتاع الرياضه والفزيا
وايه اخر حلاوه
والاول على الجمهوريه قال
الامتحان مش من الكتاب
ناقص ايه
بصوا طالما المدارس بخير وبتحمى الطلاب
يبقى لسه فى امل
اللى يضحك بقى
والسبب الاساسى اللى عشانه كتبت الموضوع
جايبين الصبح اغنيه فى صحه الثانويه العامه
اغنيه بقى لمحمد رشدى
تخيلوا بتقول ايه
ده عشان طلبه الثانوى
معايا
نبدا
والله فرحنالك يا وله والله فرحنا لك
امك دعيالك يا وله امك دعيالك
والسعد اهو جالك يا وله
السعد اهو جالك
امك دعيالك يا وله
امك دعيالك
يا خرااااااااااااااااااااااااااابى
دول بيستفزوهم
اه وربنا
امك دعيالك
دعياله ايه يا اولاد
دعياله ايه
الواد خلاص
مش باقى فيه غير عضم
وفى هشاشه كمان
والسعد جالك
سعد ايه اللى جالك
سعد الصغير
والله ده كله على الاذاعه الصبح الساعه سبعه
وايه كمان
والله واحد بعتلهم sms بيقول حرام عليكم
كفايه كلام على الثانويه العامه
تقوم المذيعه الرخمه تقوله
لالالا
ده واقع
ومش لازم ننكره
الله يحرقك
العيال خلاص نشفوا
الله معاكم يا جماعه
نحن ننضم بارواحنا واصواتنا اليكم
ده اهداء لاى حد محبط او ثانوى
وطبعا لشيمو وبولا
دول احسن ناس فى الموضوع ده
واحب اقول للطلبه عليكم والغش
الغش فى المواضيع اللى زى دى
مش هفتى واقول حلال
بس مطلووووووووووووووب
وبشده
وده اكرملك
بدل ما تقعد كده
واعى تقول انا بكرامتى ويوم الامتحان والهجص ده
بكل تاكيد
سوف تهان يا حبيبى
سوف تهان
مفيش كلام فى الموضوع ده
دى دوله يابا عليك انت لوحدك
وعايز تنجح
وزاره كامله متخصصه
حاطه لطالب غلبان معدوم زيك
امتحان
برشم من تحت لتحت
يا اما تلجأ للتكنولوجيا
ومنصحكش لان مش هتعرف تستعملها
وبلاش غباء وتكتب الحلول فى مكان غبى
خليك فى السلس
او كده
