السلام عليكم ورحمة الله
كيفكم يا احبابى يارب تكونو بخير
باسف لعدم تواجدى المستمر معكم بس انتم اكيد متفهمين الوضع
انا قلت ادخل ابص بصة واعمل موضوع علشان الحج محمد عاطف الغالى ميزعلش مننا
وميعملش معانا..............
ام هند
بدون مقدمات كالعاده
ندخل فى الموضوع
موضوعنا اليوم عن ..............الشات
كتير من الشباب بيدخلو الشات وبيكونو على درجة علية من التدين ويقول انا داخل الشات بنية الدعوة :" طبعا ده بيضحك على نفسه ... . لا ومصدقها "
يعني خلاص خلصو اصحابو والناس اللي حواليه عامة واللي فيهم كتير بيدخلو الشات بردو
وباقي بس دلوقتي الناس اللي ع الشات هما اللي محتاجين دعوه
الولد او البنت تدخل الشات – بنية الدعوة –
وتكلم اولاد وبنات ويغلطو فيها وتهين نفسها وتسمع الفاظ وصطلحات ربنا يعافينا ... واهانة وبهدلة وبعد كده تعتبر هي بقى او هو يعني انو هو كده مجاهد
ويقول لا .. أنا لازم اصبر ع الأذى .. طب انا هادخلهم كل يوم بقى الشات ده وهانصحهم
وطبعا ده بعد ما يكون اتعلق بواحده قالت هي كمان انها داخلة للدعوة او لبحث او لاي حاجة او هي تكون اتعلقت بشاب بردو دماغه عجبتها 
ودايما الولد يضحك ع البنت ويقولها دماغك حلوة , تدينك عاجبني , هي دي البنات ولا بلاش:gülll:
دخلت الشات قلت اعرف اية الى بيجرى واتعرف على الشات والجو دة
ومحدش يسالنى علشان هى طلعت فى دماغى:113
فتحت الصفحة ودخلت باسم عادي وسبت الصفحة مع نفسها وقمت اتغديت ورجعت ... يعني نص ساعة تقريبا
وبعدين قلت هاقرا الكلام واعمل كوبي بست واحطه ف الموضوع
لقيت ف الاول شوية كلام بين الشباب والبنات مش كويس
قلت مش مشكلة ابقى احط تييييييييييييييييييييييييييت واقولهم ما يصحش نكتب اللي كان مكتوب
شوية شوية لقيت المواضيع كلها تيت والاسامي فلو فكرت احذف يبقى مش هاكتبلكم كلام ده الصفحة هاتبقى كلها تييييييييييييييييييييت:gülll:
طب وبعدين ده في من ضمن الاسماء الموجوده عبدالله و أحمد ومحمد .... الناس دي مش حاسة باساميها
وبردو سبحان الله في واحد او واحده معرفش داخل ف النص : اتقو الله .. اللي انتو فيه ده حرام ... لا يجوز
على اساس انو لما يقولهم كده كل واحد هايقول اه والله معاك حق ... استغفرك ربي واتوب اليك :smile4:
البنات بقا .......... مش احنا بنقول البنت هي اللي بتجبراللي قدامها باحترامها
يعني لو الولد عارف ان البنت دي محترمة جداً ... ما اعتقدش ابدا هايروح يقولها لفظ تييييت
واعتقد ان الكل متفق معايا فى الحكاية دى
كون الولد كلم البنت بالطريقةالحلوة دي ف الشات ...... :nad:...... يبقى ان ما كانش واثق انها مش محترمة فهو على الاقل عنده شك في احترامها وبيقول مع نفسه :" عاملة فيها محترمة .. وبتاعة دين ... شوية هاتيجي زي خوياتها اللي قبلها "
طيب بلاش دي ... اساتذة السيكولوجي لما اتكلمو عن الشات وليه الشباب بيدخلوه
يريدكتور خالد عبدالوهاب استاذ علم النفس بجامعة بني سويف أن هناك عدة اسباب لعل من أهمها ضعف الروابط الاسرية والفراغ العاطفي والروحي والبحث عن علاقات وصداقات بأية طريقة والفضول وحب الاستكشاف أوالمعاناة من الضغوط أو المشاكل وقد يكون للحصول علي الاستشارة وبث الهموموالشكوي مع امكانية اخفاء الشخصية وقد يكون الغربة عن الوطن.
الشات من "الامراض التقنية" التي تعد من اهم سلبيات الانترنت
واهم هذه الامراض التقنية الذي بدأ ينتشر بشكل موسع نظير الاستخدام الطويل للانترنت مما يؤدي الى اهمال الحياة الاجتماعية والالتزامات العائلية والوظيفية
كذلك الاضرابات النفسية كالإرتعاش وتحريك الاصبع بصورة مستمرة والانزعاج من النصح وانشغال الفكر بما يحدث في غرفة الشات اثناء التواجد خارجه
والاستغراق في الدردشة وسوء التعامل مع الحريات المتاحة على الانترنت
كذلك ظهر ما يطلق عليه أرامل الانترنت ........ ظهرن بسبب غياب الزوج كليا او انغماسه في الانترنت حتى أصبحن كأنهن بلا زوج
طلعو اخواننا اللي مقضينها 48 ساعة في ال24 ع الشات قالو لا
احنا متواصلين كويس مع اللي حوالينا .. ولا عندنا عقد ولا فراغ ولا كلاكيع ....
طبعا مش هامسك كل واحد على جنب واقعد اقنعه
ومش بقول كل اللي ف الشات بيكدبو .. او كلهم وحشين ... لكن اللي مش وحشين دماغهم ملعوب فيها ... مضحوك عليهم ... سواء كان من حد معين او كان من انفسهم
ماحدش ساب لنفسه فرصة يفكر انا صح ولا غلط وبصراحة .... لانو لما بيبقى ف قعده صفا مع نفسه اذا قعد يعني ما بيكونش صريح معاها
نقطة أخيرة " مش أخيرة اوي يعني ... لو في حاجة ف خاطري هاجي اقولها برده "
المفروض أنا كمسلم ... ايماني يخليني ما اعرفش اقعد في مكان فيه معصية
ويمكن يكون ده الكلمة اللي بنقولها كتير ... الرادع الديني ... اللي بيمنعني من ارتكاب معصية او الاقتراب منها او التفكير فيها
انا كدة خلصت
المطلوب بقا حل لهذة المشكلة لو حد عندة حل يعنى
كل واحد يدخل زى الشاطر كدة بقا ويقولى حل لمنع هذة الظواهر
شوفتو انا حلو ازاى؟؟؟:smile2:
