والصلاة والسلام على رسول الله
اخوتى وأخواتى فى الله اهلا بكم فى خواطرى
اليوم كنت اشاهد برنامج على احد القنوات الفضائية فكان عنوان البرنامج
القلب عندما يتحكم فى حياة الانسان
قلت ما القلب ده هو اللى موّدنى الشباب فى داهية
اصل القلب = الحب والحب فى الزمن ده بقى نوع واحد بس
لفت نظرى تقرير متصور فى مصر للأسف الشديد مع ان البرنامج مش مصرى
ملحوظة / قام بالمشهد روميو وجوليت او قيس وليلى
شاب وفتاة اعمارهم فوق ال 25 سنة عاملين مفاجأه هايلة لأهلهم
وهى انهم بيعترفوا على الملأ انهم بيحبوا بعض وخارجين مع بعض وبيعانقوا بعض ومصاحبين بعض
لا ومش كده وبس كمان مش مكفيهم فى اول التقرير كاتبين اساميهم بالكامل علشان الناس تتأكد انهم هما يمكن الناس هتتلخبط ولا حاجة
المهم فى اول التقرير بعد ما كتبوا اسمهم على الشاشه مسكوا ايد بعض وقوالوا اننا بنحب بعض وقعدوا يفتكروا ازاى اتعرفوا على بعض وبعدين قعدوا يعانقوا بعض
بطلوا رجعيه بقى وتخلف احنا فى القرن ال 21 احنا فى عصر الانرنت والتكنولوجيا الحديثة والسرعة
بالله عليكم لما اهلها يشوفوها يقولوا ايه ولا عادى ما علينا من اهلها طيب[COLOR=#ae3542] الناس يقولوا عليها طيب سيبكم من ده كله
لما تقف ادام ربنا ويسألها بتسيئى لدينك ليييييه هتقوله اايه !!
ولا حول ولا قوة الا بالله
والله الواحد مذهووول باللى شافه بجد حزنت اوووووى لحال الشباب والبنات
انا مش عارفه ازاى توصل الجرأة للدرجه ده كان زمان اذا الواحده بتعمل حاجه غلط تبقى ماشيه حاطه وشها فى الارض وبتتلفت من كتر كسوفها وخوفها انما دلوقت مع الانفتاح العالمى اللى بقينا فيه بقى الجهر بالمعصيه والتجرد من كل معانى الحياء علنا فى شاشات التلفاز
اقووول ايه ولا وايه والله الواحد قلبه بيعتصر حزن ومرارة واسى
الصحوبيه بقت عااادى والحب بقى عااادى واللبس الخليع بقى عاادى
البنت ده شكلها يكون اايه ادام نفسها ولا اهلها ولا ربها ولا رسولها ولا حتى اللى مصاحبها ده ولا ولا ولا
اوووووووعى تكونى باركنج لشاب زى ده
اوووووعى ترخصى نفسك انت غالية
اووووعى تعانقى الشهوات وتنسى رب السماوات
اوووعى تقولى العمر طويل ها ها اتوب !! ومين قالك انك هتلحقى تتوبى مش ممكن تموتى مش ممكن الليلة فى قبرك
فالدنيا ساعة اجعليها طاعة لله جزوجل
وساعتها والله لا هينفع ابوك ولا امك ولا صاحبك اللى عامل فيها بيحبك دلوقت
لو قالوله ادخل معاها القبر ساعة هيقول ولا دقيقة صدقينى
اسمعى كلام[COLOR=#ae3542] الله عز وجل
[/COLOR][/COLOR][/COLOR][/COLOR]
(الأَخِلاَّءُ يَوْمَئِذٍ بَعْضُهُمْ لِبَعْضٍ عَدُوٌّ إِلاَّ الْمُتَّقِينَ)
وَيَوْمَ يَعَضُّ الظَّالِمُ عَلَى يَدَيْهِ يَقُولُ يَالَيْتَنِي اتَّخَذْتُ مَعَ الرَّسُولِ سَبِيلًا(27)يَاوَيْلَتِي لَيْتَنِي لَمْ أَتَّخِذْ فُلَانًا خَلِيلًا(28)لَقَدْ أَضَلَّنِي عَنْ الذِّكْرِ بَعْدَ إِذْ جَاءَنِي وَكَانَ الشَّيْطَانُ لِلْإِنسَانِ خَذُولًا(29)وَقَالَ الرَّسُولُ يَارَبِّ إِنَّ قَوْمِي اتَّخَذُوا هَذَا الْقُرْآنَ مَهْجُورًا(30)
الله يهدي بنات المسلمين لما يحبه ويرضاه
اللهم ارزقنا الاخلاص في القول والعمل
ووفقنا الي ما تحبه وترضاه
