يتمّ عرض هذا الموقع بشكل أفضل في متصفّح حديث مع تمكين JavaScript.

تقدر تقولى هنعلم اولادنا ايه لما يدرسوا عصرنا دا ......!!!!

صوت الامة

السلام عليكم ورحمة الله وبركاته
الحقيقة انا بقالى كتير جدا مش كتبت مواضيع
فقلت اكتب اليوم موضوع بدل ما ايدى تنمل
واعزرونى لقلة تواجدى بجد باسف لعدم تواجدى اليومين دول
طبعا انتو عارفين المذاكرة والثانوية انتو عارفين بقا الباقى
ندخل فى الموضوع ع طول
الحقيقه انا كنت بذاكر ادب و شدنى موضوع مهم جدا
يعنى كنت بذاكره الادب فى العصر العثمانى
وسبب انحطاطه
و مظاهرها
جميل !!!!
نقول جميل
فا لقيت الفرق الشاسع ما بين الادب فى العصر العثمانى تحديدا و باقى العصور لان كان فيه تدهور رهيب
و الشعراء كانوا اى كلام
فا قولت طب لو قسنا الشعر فى العصر العثمانى ب الشعر فى العصر المباركى
نسبة الى الرئيس المبارك صاحب الهزة الاولى فى حرب اكتوبر
تعالوا نشوف امثلة
يعنى فى العصر العثمانى قال احد الشعراء
ومن نزله الكشاف شابت عوارضى و صار لقلبى لوعة ووجيف
دا كان فى العصر العثمانى
تعالوا نشوف فى العصر المباركى
انا عامل دماغ تمام مام مام مام لا بانجوا ولا برشام شام شام شام
شوفتوا الفرق فى الاداء ولا فى نوع الكلمات الى كان العصر العثمانى يعد من اسوء العصور الحديثه فى الادب و الشعر
تعالوا نشوف مثال تانى حته حب بقى نشوف فى اسوء عصر كانوا بيغازلوا بعض ازاى
اقبل بالاحفان يا سادتى ارضا و بالقرب لا بالبعد من حبكم ارضى
وان سار نجم فى السماء ذكرتكم وحنت لكم من بعدكم سائر الاعضا
وان جعل الناس المحبة سنة جعلت على طول المدى حبكم فرضه
الى اخر الابيات
اما فى العصر المباركى قال الشاعر الفنان(ابو الليف)
بتحبنى لا اشك مين دول الى على الفيس بوك لو مشلتيش العيال دى عليك حسك وانا انا مش خرونج لالالالا انا كنج كونج دا انا وانا رابط ايدى بلعب بينج بونج مش ابن هانم ولا ابن لورد اتفضلى هاتى الباسبورت دا انا ارجوز متربى فى سرك مش عيل كاورك
دا فرق بسيط جدا من الااف التدهور الى وصلناله
ليه مش بنسمع عن الناس بتوع زمان الى بيحللوا و بيارخوا العصور
يحكموا على عصرنا
طب حيقولوا ايه على الادب فى العصر المباركى وعصر هانى هلال و يسرى الجمل و احمد زكى بدر
حيقولوا زى ما قولت كدا
ولا حيقولوا و يؤرخوا ايه
عيالنا حيفضلوا يدرسوا الادب فى العصور الى فاتت دى من اول العصر النبى الى العصر العثمانى
اكيد المناهج حتتغير علما انى انا حتى فى دى بشك
بس لو فرضا لو فعلا درسوا عصر جمال عبد الناصر ولا عصر محمد السادات ولا جه الطامة الكبرى اطول عصر حصل فيه تغيرات من جميع الاطراف و جوانب الحياة عصر مبارك اسف العصر المباركى
لنا الله
منتظر حد عنده انصاف يؤرخ الفترة دى
حتى لو فى موضوعى المتواضع دا
حد يوصف عصرنا بكلمات بسيطة لعل وعسى تظل فى ذكريات ابناءنا حين يدرسوها
بعد عمر طويل طبعا
انا خلصت كلامى والبقاقى لكم
:nic47:
بالاذن
والسلام عليكم