يتمّ عرض هذا الموقع بشكل أفضل في متصفّح حديث مع تمكين JavaScript.

خطوات سهلة لتنظيف جهازك و بدون اى برنامج ومفيدة جداً جداً

أبواسلام

الاخوة الاعزاء
اقدم لكم اليوم مجموعة خطوات سهلة لتنظيف الجهاز
طب ايه الفايدة من هذه الخطوات . اقولك يا سيدى و ببساطة كدة . انت اول ما بتشترى الجهاز او بتنصب عليه ويندوز جديد بتلاقى الجهاز زى الفل و سريع. لكن مع مرور الوقت بتلاحظ ان الجهاز بدا يبقى تقيل شويه . و السبب فى ذلك انه مع استمرار العمل على الجهاز بتفضل بعض الرواسب معلقة فى الهارد دسك يعنى مثلا لما الكهرباء تفصل مرة واحدة . طبعا حتلاقى ان الجهاز انطفى على طول .و طبعا فيه بعض البرامج شغالة فى الخلفية. فى الحالة دى بتترسب بعض الملفات فى الهارد و بتتسبب فى تقل الجهاز. تعال معايا خطوة خطوة علشان بشيل العوالق دى و يرجع الجهاز زى الاول.
اولا نفتح my computer و نروح على القسم اللى عليه الويندوز و هو غالبا القسم c و نعمل عليها كليك يمين حتلاقى قائمة طلعت اختار منها اخر خانة تحت و اسمها properties
ثانيا لما يطلعلك مربع حوارى اختار من فوق التبويب Tools و منها تضغط على كلمة check Now
حتلاقى مربع حوارى طلع دوس على كلمة start
ثالثا انت دلوقتى امامك حالتين
الحالة الاولى سيبدا الجهاز بالتنظيف اتوماتيكيا اذا لم تكن هناك برامج تعمل
الحالة الثانية سيخرج لك مربع حوارى يخبرك بان العملية سوف تبدا بعد ما يتم غلق الجهاز و تشغيله و هنا اختار yes و قم بعمل رستارت للجهاز
عندما يتم تشغيل الجهاز مرة اخرى ستلاحظ ان عملية التشغيل ستستغرق حوالى عشرة دقائق و بعد ذلك ستلاحظ الفرق
ملحوظة قبل هذه العملية قم بالنظر على الحجم الخالى فى القسم C ثم قم بالنظر بعد العملية ستلاحظ ان الحجم قد قل نسبيا و هذا دليل على ان الملفات العالقة قد انحذفت
و شكرا لكم على حسن المتابعة --منقول--
و ارجو ان اكون قد قدمت معلومة مفيدة
وسلام الله عليكم ورحمته وبركاته