هنا روحى المزيج الأمثل لإمتزاج للنكهات تمتاز الفراولة بأنها مصدر مهم لفيتامين سى و تحتوى على الألياف كما انها الفاكهة الوحيدة التى تحوى بذورا بالسطح الخارجى للثمرة الفراولة ايضا منخفضة السعرات الحرارية المكونات الكيكة 6 بيضات كوب صغير او 150 جرام سكر بودرة كوب دقيق 3 معالق مائدة كاكاو م معلقة مائدة نشا ملعقة صغيرة بيكينج باودر رشة ملح فانيليا الطريقة الكيكة انخلى الدقيق و النشا و الكاكاو و البيكينج باودر و الملح سخنى الفرن فى هذه الأثناء اضربى البيض مع السكر كويس لغاية مايكون الخليط متماسك و هش و بعدين اضيفى الفانيليا برفق اخلطى خليط المواد الجافة مع خليك السكر و البيض بدون ماتخرجى الهوا من البيض صبى الخليط فى قالب مدهون زبدة كويس و مرشوش بالدقيق و اخبزيها لمدة 30-35 دقيقة بعد النضج طلعيها على رف سلك و خليها تبرد خالص ملحوظة بامكانك ان تقسمى خليطة الكيك لقسمين و تعملى قسم بالكاكاو قسم بدون كاكاو و تخبزيهم فى صنيتين عشان الشكل النهائى عند تقطيع التورتة يكون طبقات بالتبادل ابيض و بنى الحشوة 400 مللى كريمة خفق 3 معالق سكر بودرة 200 جرام فراولة مقطعة مع الإحتفاظ ببعضا لتجميل وجه التورتة الطريقة اخفقى الكريمة مع السكر شيلى كام معلقة كريمة عشان تحطيها فى كيس الحلويات اللى حاتزينى بيها قلبى الفراولة المعطعة صغير مع الكريمة ملحوظة لا تقومى بهذه الخطوة مبكرا لأن الفراولة ممكن تعمل سائل مع السكر و تخيلى الكريمة سايلة اوى الجناش 200 جرام شكولاتة خام 200 مللى كريمة الطريقة حطى الشكولاتة و الكريمة على نار هادئة اويييييى و قلبى بالراحة و لما الشكولاتة تسيح طفى عليها ملحوظة لو عايزة تزينى بكيس الحلويات باستخدام الجناش لازم تصفيه فى المصفاة كويس اتركيها على جنب عشان تبرد و ساعتها قوامها حايتخن التزين النهائى قسمى الكيكة طبقات بقطاع عرضى 4 طبقات افردى بين الطبقات الكريمة المخلوطة بالفراولة افردى الجناش على الوجه و الجوانب كويس بالنسبة للتزين على وجه التورتة انظرى الصور اعملى بوردر بالجناش على حواف التورتة و على حواف الخط ده اعملى بالفراولة الترنشات رشى شكولاتة مبشورة على جوانب التورتة دخليها التلاجة 3 ساعت قبل التقديم
لؤلؤة الإسلام رد: تورتة الشكولاته والفراولة السلام عليكم ورحمه الله وبركاته حلوة جدا ومشهيه . جزاكم الله خيرا أختى الكريمه لنقلكم الطيب.
طارق المنشاوى رد: تورتة الشكولاته والفراولة رووووووووووووووووووووووووووووووووووووووووووووووووووووووووعة جووووووووووووووووووووعت يا ناااااااااااااااااااااااااااااااااااااااااااااس مش داخل مطبخكم ده تانى
هنا روحى رد: تورتة الشكولاته والفراولة ههههههههههههههه طيب قول واحنا نحضرلك الاكل ده انت تأمر اخى ههههههههههه
نور اليقين رد: تورتة الشكولاته والفراولة s4 واااااااااااو جميلة جداً وشهية تسلم إيدك أختي الكريمة هنا روحي
