السلام عليكم ورحمة الله وبركاته
عارف ان حضرتكم تكلمتم فيه ولكن استحملونى لانى والله زعلت لما دخلت وشفت الردود
بداية ليه كل عضو بيدخل المنتدى ويشارك هل للشهرة ام لزيادة عدد المشتركين ام لله سبحانه وتعالى
اكيد لله طبعا يبقى دا اول حاجة متفقين عليها
يعنى انا بتخيل لو فضيلة الشيخ ماشى فى الشارع وقابله شخص وطلب منه نسخة من حفلته الاخيرة مثلا فماذا
سيكون رده هل سيكون
ليه لان كل همه ان يستفيد الناس
مش كل همنا ها عدد الاعضاء كام 20000 لا لا لسه كمان
انما نطعمكم لوجه اللـــــــــــــــــــــــــــــــــــه لا نريد منكم جزاء ولا شكورا
وبصراحة الواحد بيضايق لما يلاقى المواقع الاباحية مفتوحة على الاخر وكل التسهيلات موجودة وينظر الى هذا الموقع الجليل ويجده بهذه الصورة
كتير جدا بيكون الواحد مستعجل ومفيش وقت انى اعقد والنت بطىء ومصدقت ان الموقع فتح وها هحمل الاقى اللى بيقولى لازم وغصب عنك هتسجل
يعنى دا خير والمفروض نحبسها مش بعدد الاعضاء لكن نحسبها بعدد الزوار
لان الاعضاء اصبحوا الرئة المغذية اما المستفيد هما الزوار وطبعا الاعضاء الكرام ولكن لا ينحصر تفكيرى فى الاعضاء فقط فهناك اناس كثيرون لا يعرفون شيىء عن النت ولكن كل ما يعرفه انه لما بيجى ينزل حاجة بيدخل ويعمل تحميل مجيش انا بقى اعقده ولازم تسجل والله هيقفل ويقوم زى ما حصل كتير قبل كده ودا اللى دفعنى انى اتكلم بصفتى اخ اصغر ليكم كلكم
ومحبتش اننا نرغم الناس على التسجيل لان الانسان لما يعمل العمل وهوا مضر ومغلوب عليه مش كويس
وبعدين هذا ليس موقع شخصى لعضو وعضو
بمعنى اننا مثلا لما بنعمل منتديات بينا وبين بعض بنتنافس عندك الاعضاء كام لا انا اكتر وكده
ولكن دا موقع عام وشخصية عامة وجليلة ويحق للجميع ان يتمتع بهذة الموهبة
والله اللى زعلنى ان فيه مواقع كتير مقدمة التسهيلات كلها فأرى اننا احق بأن نقدم لكتاب الله وكلام الله وحديث رسوله اكثر من ذلك
فذها العمل خالص لوجه الله يعنى لانقيسه بعدد الاعضاء
ولكن نقسيه بمدى انتشار ما يحتويه من خير بين الناس
وبعدين بزعل لما تلاقى اصحاب الباطل ماشية بتوزع باطلها بين الناس كل فنان ولا مطرب تلاقيه ماشى فى عربيته نسخ كتير من فيلمه الاخير او البومه الجديد وصور وبسترات
وتلاقى موقع جليل كهذا مش عارف اقول ايه
ولكن فى ناس مش حسه بخطورة الموضوع انما والله انا كتير قدامى حصل ناس كتير تقفل المنتدى خالص واللى يتضايق
طب ليه وانا هستفاد ايه لما يسجل والله مهستفاد حاجة دا كل ده الى زوال
ولن يبقى الا حاجة واحدة بس
كام واحد دخل وحمل وقرأ واستفاد
يعنى لا عدد الاعضاء ولا المشاركات
والله لا اقصد انى اقلل من شأن شىء ولا احد ولكن هذا لوجه الله ولن نخسر شىء على الاطلاق
فبالله عليكم تهتموابهدذا الموضوع واتمنى الا اكون قد اطلت عليكم
وانا اسف لو كنت اتعصبت ولكن كما قلت انا اخيكم الاصغر
