صوت الامة (يوميات ابليس بيه وابو جهل)) حبيت اقدملكم مسلسل ابدى لا ينتهى ولكن الحلقات المكتوبة حتنتهى لكن الحقيقة لا تنتهى الا بقيام الساعة على بركة الله نبدا الحلقه الاولى :nic12: صباح الفل يا إبليس بيه - صباح الخير يا بني .. اطلع بينا على سنة 622 - ياااااااااه .. سعادتك إيه اللي هيوديك هناك .. دي الدنيا كات صعبة أوي أيامها - وحشوني والله يا عكروت .. أعمل ايه بقى .. نفسي أشوف أبوجهل - ما تشوفش وحش يابيه .. وصلنا خلاص ينزل إبليس من العربية .. ويخبط الجرس على بيت أبو جهل .. تفتح له الشغالة - الأستاذ أبو جهل موجود - أيوه موجود .. مين حضرتك ؟ - قولي له إبليس - دقيقة واحدة يخرج أبو جهل - أهلاااااااااااااان .. إزيك يابو مُـرّة .. واحشني يا راجل .. إيه الغيبة الطويلة دي .. اتفضل اتفضل - والله هفيت على بالي اليومين اللي فاتوا .. والعالم بتوع القرن الواحد وعشرين خنقوني .. قلت آجي أشرب معاك كاسين .. حجرين .. الموجود بقى .. أي حاجة - على حسابي وللا على حسابك ؟ - أيوووه عليك .. انت لسه .... زي مانت .. يا راجل ده انا بقالي 200 سنة ما شفتكش .. ده اللي انا علمتهولك ؟ - آه .. ههههههههه .. طب اقعد بس اقعد .. ده الحالة بقت كرب أوي .. ونفسي أفضفض لك شوية - خير يا بوجهل - لا والله مافيش .. فاكر انت آخر مرة كنت معانا لما اتفقنا نطلع من رجل قبيلة .. ونقتل محمد - آه .. كانت فكرة مالهاش حل - بس الخطة فشلت .. وقدر يهاجر يثرب ومن بعدها ما شفناش يوم حلو .. والعملية نشفت أوي وبدأوا يقفلوا علينا طرق التجارة .. العيشة بقت صعبة أوي يا إبليس يا خويا - بس بس قطعت قلبي .. طيب أنا جاي لك في مشوار حلو .. هيفتح نفسك - مشوار ايه يا معلم .. قوللي - شوف يا سيدي .. أنا جاي لك دلوقت من القرن الواحد وعشرين .. فيه شغلانة جامدة أوي في مصر ظبطتها تظبيطة ما حصلتش .. وأنا حاسس بيك قلت آخي آخدك تتفرج .. أرفع روحك المعدنية شوية - بس ما يكونش التظبيط الخايب بتاعك زي شغلانة من كل رجل قبيلة دي - كده برضه .. الله يسامحك .. بس اطمن المرة دي .. هتيجي جون يعني هتيجي جون - والمشوار ده هنروحه ازاي - اركب بس اركب .. ما تخافش مش هأخرك ركب أبو جهل العربية مع إبليس .. ووصلوا القاهرة .. أبو جهل تـَنـّح - إيه ده يا إبليس يا خويا .. احنا لسه في الدنيا ؟؟ - هههههه .. جمد قلبك ياراجل .. احنا بعد 1400 سنة من أيامكم - وايه الناس دي .. عاملين في نفسهم كده ليه - إيه مش عاجبينك ؟ - يعني .. الستات لابسين عريان قوي .. والرجالة شكلهم شبه الستات .. وبص الواد ده ماشي مع البنت ازاي .. بيحضنها في الشارع كده .. اخص عالرجالة - ههههههه .. ياراجل ماتقولش كده .. دول على فكرة مسلمين - إيه ؟؟ .. هو دين محمد وصل لغاية هنا - آه طبعا .. من زمان أوي .. بص الجوامع أد إيه .. واللي انت سامعه ده اسمه الأذان .. بينادوا عالناس وقت الصلاة عشان يصلوا - الله ؟؟ .. أمال مالهم قاعدين كده ما بيتحركوش .. وعشرة عشرين واحد بس اللي داخلين الجامع - آه .. أصل النهارده فيه ماتش .. واللي قاعدين دول بيتفرجوا عالماتش في القهوة - ماتش ؟؟ .. إيه ده ؟؟ - دي فكرة حلوة من أفكار أخوك .. الناس بتحب الرياضة .. فيها حاجة دي ؟ - لأ مافيهاش - أنا قعدت بقى أكبرها وانفخ فيها لحد مالناس بقت تحبها أكتر من الصلاة - يابن الإيييييييه ؟؟ .. ده انت هتروح جهنم - فال الله ولا فالك .. فقري طول عمرك - بس ايه اللي مكتوب عالحيطان ده ؟؟ .. الإسلام هو الحل ؟؟ حل إيه ؟؟ - ما هو ده اللي انا جايبك عشانه - طب نورني .. ايه الموضوع في الحلقة القادمة ان شاء الله حنشوف الموضوع ايه
أحمد العسيلي رد: ((يوميات ابليس بيه وابو جهل)) قصة زي العسل انا بحب النوع ده أوي شكرا يا أسامة في إنتظار بقية الحلقات
مسلمة لله رد: ((يوميات ابليس بيه وابو جهل)) فعلا يا أستاذ أسامة علي رأي الدكتور أحمد القصة زي العسل ,,, طريقة عرضك للمواضيع حلوة أووووي بارك الله فيك ,, وفي انتظار باقي الحلقات كل الشكر لمجهوداتك ,,
هنا روحى رد: ((يوميات ابليس بيه وابو جهل)) لا حول ولا قوة الا بالله تسلم ايديك يا اخى بارك الله فيك وفى انتظار باقى الحلقات
تلميذ المنشاوي رد: ((يوميات ابليس بيه وابو جهل)) هههههههههههههههههههههههههههههههههههههههههههههههههههههههههههههههه
أبوعمارمحمودأبوالنور رد: ((يوميات ابليس بيه وابو جهل)) أعوذبالله من الشيطان الرجيم ههههههه جزاك الله خيرا
الشيخ عارف خضر رد: ((يوميات ابليس بيه وابو جهل)) والهيكذوب الكيكذوب تهيهع # من روعة العلكبود المنفل هههههههههههه الله يسامحك يا أسامة
إسلام الشرقاوي رد: ((يوميات ابليس بيه وابو جهل)) يا الله الله أصلح أحوالنا قصة رائعة ومتشوقين للباقي ربنا يكرمك يا عم أسامة
رحاب رد: ((يوميات ابليس بيه وابو جهل)) السلام عليكم ورحمة الله تعالى وبركاته أعوذ بالله من الشيطان الرجيم هههه اسلوب مشوق في انتظااار نشوف حالنا وصل لحد فين لأن الموضوع فيه حقيقة مرة
ياسر الدغيدى رد: ((يوميات ابليس بيه وابو جهل)) ههههههههههههههههههه حلوة القصة بس لى اعتراض بسيط الحاج ابليس نغيرها الى المعلم افضل بلاش حاج يا حاج اسامة ......... كمل القصة
صوت الامة رد: ((يوميات ابليس بيه وابو جهل)) أحمد العسيلي, post: 157572 كتبقصة زي العسل انا بحب النوع ده أوي شكرا يا أسامة في إنتظار بقية الحلقات تسلم يا دكتور ربنا يخليك وان شاء الله خليك معانا وهى هتعجبك اكتر ان شاء الله
صوت الامة رد: ((يوميات ابليس بيه وابو جهل)) مسلمة لله, post: 157576 كتبفعلا يا أستاذ أسامة علي رأي الدكتور أحمد القصة زي العسل ,,, طريقة عرضك للمواضيع حلوة أووووي بارك الله فيك ,, وفي انتظار باقي الحلقات كل الشكر لمجهوداتك ,, تسلمى يا باشمهندسة ربنا يبارك فى حضرتيك وان شاء الله الحلقات القادمة هتكون احسن تبعينا جزاكم الله خيرا
صوت الامة رد: ((يوميات ابليس بيه وابو جهل)) هنا روحى, post: 157577 كتبلا حول ولا قوة الا بالله تسلم ايديك يا اخى بارك الله فيك وفى انتظار باقى الحلقات بارك الله فى حضرتك اختنا الفاضلة وان شاء الله القادم احسن جزاكم الله خيرا وياريت حضرتيك تتابعينا
صوت الامة رد: ((يوميات ابليس بيه وابو جهل)) احمد الداعيه, post: 157578 كتبمشكووووووووووووووووورجداااااااااااااااااااا الله يكرمك استاذ احمد ياريت تتابع معانا ان شاء الله الموضوع هيعجبك جزاكم الله خيرا
صوت الامة رد: ((يوميات ابليس بيه وابو جهل)) احمد العمده, post: 157586 كتب جوزيت مثلة ان شاء الله يا عمتدنا يا غالى يارب الموضوع يكون عجبك وياريت تتابع معنا ع طول الجاى احسن تسلم يا كبير
صوت الامة رد: ((يوميات ابليس بيه وابو جهل)) تلميذ المنشاوي, post: 157593 كتبهههههههههههههههههههههههههههههههههههههههههههههههههههههههههههههههه هههههههههههههههه تسلم حبيبنا ربا يعطيك الصحة يا ريت تتابع معانا ان شاء الله جزاكم الله خيرا نورت الموضوع
