طيب لحين أجابتك علي سؤال الآخت رحاب
انا راسى وجعتنى من السؤال ده
وعموما يا اخواننا اهى الاجابة :
لو كنت زى ما انتم بتقولوا فى مركب والحوارات دى , هاخليهم يتلموا كده مع بعضهم زى الشطار , ويعملوا قرعة , والفقرى اللى هيطلع اسمه فى القرعة , يشيلوه مع بعض هيلا بيلا ويشوحوه فى البحر ,,,,,,, خلاااااااااااااص ؟
يارب ما نزعل حد , واللى عنده اعتراض يتفضل , مفيش مشاكل
والذي لابد من الاجابة عنة
جاوبنا وكل عام وانا طيب
اليك بعض الآسئلة
بعض ولا كل , مش هتفرق , واحنا يهمنا !!!
عالم الانترنت له ايجابيات وسلبيات منذ دخولك لهذا العالم
اكييييييييد , كأى شئ فى الدنيا
ما هي الايجابيات
المعرفة المتناهية الحدود فى شتى نواحى الحياة , ثقافيا وعلميا وطبيا واجتماعيا , فهو اضافة طيبة ومحيط ملئ بالمعلومات لمن اراد الارتشاف
والسلبيات التي وجدتها بشكل عام ؟؟
كذلك كثير من السلبيات , ولكن من وجهة نظرى الايجابيات اكثر, لان الايجابيات كما قلنا فى شتى نواحى الحياة والمعرفة , وكافة المشارب العلمية , اما السلبيات , فهى تكاد تنحصر فى الجانب الاخلاقى , وهذا طبعا يرجع الى كيفية استعمال ذلك الشئ المسمى بالانترنت , فهى تعود الى طبيعة المستخدم وليس الشئ المستخدم (ارجو ان تكون الاجابة واضحة )
يا ريت أن وجد موقف طريف مر بكِ هُنا .. علي صفحات المُنتدى .. تحكيهولنا ؟؟
اطرف موقف فى المنتدى ؟؟
اه افتكرت .. كان مرة الاخ احمد المحامى واضع مشاركة عبارة عن صورة بيسأل هل هى بطة ولا ارنبة , فأنا دخلت وقلت هى "شرشارة" واتقلب الموضوع رأسا على عقب , وكل الردود تقريبا كانت ردا على مشاركتى , واصبح الموضوع بعد ان كان للاخ المحامى بقى ابتاعى انا
وموقف أخر من الحياة ؟؟
من الحياة ؟؟
معاكم شوالة تعبوا فيها المواقف اللى حصلت ؟
لكن عموما اطرف موقف ممكن يكون لما كنت صغير وروحت البيت متأخر , وخفت اخبط على الباب , عشان مانضربش من ابويا , فاضطريت اقفز من شباك جيراننا , اللى هو يبقى ابن عمى , ففشلت , ووقعت من الدور التانى على الارض فى المنور , وكانت الوقعة اصعب من العلقة اللى كنت هاخدها
هل يوجد موقف صعب مر بكِ في حياتكِ
اكيييييييييييد
أحكيهولنا ان وجد ؟؟
لما كنت رايح اتقدم لوظيفة فى القاهرة وكنت جاى من الاقصر مخصوص ودافع دم قلبى فى المواصلات , وكنت عشمان انى خلاص هاتعين , واتصدمت لما لقيت الموضوع كله سراب فى سراب .. الحمد لله رب العالمين !
كل انسان بيحس انه متميز في مجال معين في الحياة
ففي اي مجال تجد نفسك أكتر تميزا ؟؟ غير الخطابة طبعا ..
مش عارف بصراحة , بس ممكن يكون فى فن الحوار والتعامل مع الآخرين .. والله اعلم
هل تنصح وتنقد اصحابك ؟
اكيد طبعا , بس لما احب اوجه نقد , لابد يكون فى ظاهره النصيحة ولكن باطنه النقد والتوبيخ
وهل يتقبلون منك ويعملون بنصيحتك ؟؟
هذه ترجع الى شخصية المنصوح ,ولكن ولله الحمد الاغلبية يتقبلون
ماذا تعني لكِ مرحله الطفوله ؟
مزيج من الرفح والاسى , ولكن الافراح اكثر من المآسى
طبعا كان كلها مواقف وطرائف
يا ريت تدعم الآجابة بموقف ,,؟؟
الموقف الذى ذكرته آنفا , لما وقعت من الدور التانى
لو خيروك تشتغل في الحكومة لكن بشرط ,,
تخدلك سنتين دراسة تاني علي ان يكون السنتين دول بأجر برضو
فهل تتحمل عناء الدراسة مرة أخري في سبيل وظيفة الحكومة ؟؟
ده لو اربع سنين !!!! ولو فيه اجر زى ما بتقولى , اتحمل سبع سنين , بس هما يوافقوا بس !!
الحياة خير معلم، فماذا تعلمت منها ؟؟
الكثير , ولكن اجمل ما تعلمته "اذا اردت صديق بلا عيوب , عشت حياتك بلا اصدقاء"
بأمكانك الغاء السؤال الغير مرغوب
ولله الحمد تم الجواب على كل الاسئلة , بما فيها السؤال اللى شاغل بال المنتدى كله
ولي عودة بأذن الله
فى انتظار عودة حضرتك
