رد: نستضيف الدكتور اشــــرف العــــدل في المقابلة الأسبوعية...الكل معزوم !!!
أحمد العسيلي, post: 144567 كتبإزيك يا دكتور أشرف ....أرجو أن تكون بخير .....
إنت متألق فعلاً....أنا عايزك تتكلم عن إمتحانات الشفوى "مآسى وطرائف "...عندك فى الكلية ؟؟
وخد بالك من أسئلة الأخ عمر المنشاوى ؟؟!!!هههههههههه
بالنسبة للطرائف ..... كنت فى مرة بمتحن شفوى وفى واحد صحبي قاعد جنبي ...الدكتور سأله سؤال وهو جاوب ...المهم وزميلي ده بيجاوب فى دكتورة تانية اللى كانت بتشرح الموضوع ده دخلت ...سمعت زميلي وهو بيتكلم ...المهم الدكتور قال لزميلي استنى اللى انت بتقوله غلط علشان ده كذا وكذا ....الدكتورة قالت للدكتور لا انت اللى غلط والطالب بيتكلم صح علشان كذا وكذا ......الدكتور بقي فى نص هدومه وبهدلنا بعدها فى الشفوى علشان يرجع كرامته هههههههه
موقف تانى فى شفوى الجراحه الدكتور كان بيسأل الطلبة هو هيفاء وهبي حلوة ليه ؟هههههههههه
موقف تانى دخلت شفوى وكان معايا واحد لما قعدنا قدام الدكتور سأل عن رقم الجلوس قلناله عليه .... وكان الواد اللى معايا متوصي عليه والدكتور يقوله اذيك يا حبيبي وازى باب وييجي يسأله ميجاوبش ولا ينطق وخاد درجة ممتازة هههههه
المآسي .....فى شفوى الباطنة كنت بدعى ان مدخلشي للدكتور الفلانى وادعى انى مدخلشي له ومن ضمن 4 لجان كل لجنة فيها 6 دكاترة دخلت للدكتور ده ى....ههههههه .....المهم سألنى سؤال واحد بس وافضل اجاوب وهو يبصلي ويبرقلى وكل ما اتكلم يبرق لحد ما قلت انا خلاص مش حيعطينى حاجه وشكله كده نقصنى كتير فى درجتى والمشكلة انه مش بيتكلم ولا يقول صح او غلط
