رد: مآيك المــنــتــدى
السلام عليكم
موضوع وائل او محمود عشان كان ليه اسمين واحد فى الشهادة وواحد بنادى عليه به
كان صديقى جدا واتكلمت عليه المرة اللى فاتت فى المايك
هوه مات غريق امام عينى وما قدرتش اعمله حاجة لصغر سنى وانا وهو كنا فى الشهادة الاعدادية
كتبت فيه
رحت بالضحكة وسبتنا للدمعة
وياريتك كنت بالعمر ممدود
وصورتك قدام عنيا ويا الدمع
اقوللك يا وائل ولا يا محمود
كنت الصديق الوفى
اللى عمر شمعته فى قلبى ما هتنطفى
وعمرى ما هنسى كلمتك
عيش حياتك يا اخى
صعبان عليا ضحكتك
والناس صعبان عليها انى ببكى
وبيقولولى انسى وازاى انسى
وانا احلى ايامى قضتها معاك
ما تخافش ياوائل مش هنسى
وهفضل على طول عايش على ذكراك
وعمر قلبى ما هيقسى
وهبعد عن كل شئ يخلينى انساك
وعِلى صوت البكى فى بلدنا عليك
وسألت ليه كل دى الاحزان
قالوا دا وائل انتهى
وهو دة اللى اراده الرحمن
ومقدرتش اصبر لحظة الوداع
كنت خايف اشوفك وانت جثمان
يعنى بعد ما كانت الضحكة ماليه وشك
اشوفك دلوقتى وانت غرقان!!!
يارب اكرمه بالجنة
واسألك ليا ولاهله الصبر والسلوان
شوية كدة واكتب رثاء لعمتى الكبرى
نلتقى بعد الفاصل
[/color][/color]
